అల్ బుకర గురించి తప్పకుండ తెలుసుకోవాల్సిన విషయాలు

July 8, 2019

అల్ బుకర చూడటానికి ఎరుపు రంగులో చాలా ఆకర్షణీయంగా చిన్న సైజు ఆపిల్ లాగా ఉంటాయి. రుచికి కొంచెం తియ్యగా, పుల్లగా కాస్త వగరుగా ఉంటాయి. ఈ సీజన్లో ఎక్కువగా దొరికే పండ్లు ఇవి. ఈ వర్షాకాలం లో వచ్చే వైరల్ ఇన్ఫెక్షన్ లను సమర్థవంతంగా ఎదుర్కోవడానికి ఈ పండ్లు బాగా ఉపకరిస్తాయి. ఏ సీజన్లో అయినా సరే మానవ శరీరానికి కావాల్సిన పోషకాలు, ఖనిజ లవణాలను అన్నింటిని ప్రకృతి పండ్ల రూపంలో మనకు అందిస్తుంది. వాటిని స్వీకరించి మన ఆరోగ్యాన్ని కాపాడుకుందాం.

పోషకాలు :- ఈ పండ్లలో విటమిన్ c చాల ఎక్కువగా ఉంటుంది. విటమిన్a, b6 కూడా లభిస్తుంది. ఇంకా పొటాషియం, కాల్షియం, మెగ్నీషియం, పాస్పరస్, ఉంటాయి. వీటిలో ఫోలిక్ ఆసిడ్, సిట్రిక్ ఆసిడ్, ఫైబర్ అధిక మోతాదులో ఉంటాయి. ఈ పండ్లు యాంటీ ఆక్సిడెంట్, యాంటీ ఇన్ఫలమేటరీ గుణాలను కలిగి ఉంటాయి. ఇవి కెలొరీస్, కార్బోహైడ్రేట్స్, కొవ్వుపదార్ధాలు చాలా తక్కువ మోతాదులో కలిగి ఉంటుంది.

ప్రయోజనాలు :-

  1. తక్షణ శక్తినిస్తుంది. రోగ నిరోధక వ్యవస్థని పటిష్టం చేస్తుంది.
  2. జీవక్రియ రేటుని పెంచుతుంది.శరీర ఉష్ణోగ్రతని సమతుల్యం చేస్తుంది.
  3. ఎముకల పటుత్వానికి తోడ్పడుతుంది. బోలు ఎముకల వ్యాధి రాకుండా నిరోధిస్తుంది. ఎముకల సామర్థ్యం పెంచడంలో అన్ని డ్రై ఫ్రూట్స్ లో ఇది మేలైనది.
  4. కాన్సర్ కారకాలను నిరోధిస్తుంది. బ్రెస్ట్ కాన్సర్ నివారణలో మంచి ఫలితాలనిస్తుంది. అల్జీమర్స్ వ్యాధిని నయంచేయడంలో ఉపకరిస్తుంది.
  5. యాంటీ వైరల్ గుణాలను కలిగి ఉండటం వళ్ళ జ్వరానికి మంచి మెడిసిన్ ల ఉపయోగపడుతుంది.
  6. జీర్ణవ్యవస్థని పటిష్టం చేస్తుంది. మలబద్దకం సమస్యని నివారిస్తుంది.
  7. ఐరన్ ఎక్కువగా ఉండటం వల్ల యెర్ర రక్తకణాల వృద్ధికి తోడ్పడుతుంది. రక్తలేమి సమస్యను పరిష్కరిస్తుంది.
  8. షుగర్ వ్యాధిగ్రస్తులకు మంచి ఆహారం. ఎందుకంటె ఇది వెంటనే గ్లూకోస్ గా మారి రక్తం లో చేరదు.
  9. దీనిలోని ఫోలిక్ ఆసిడ్ గర్భిణీ స్త్రీలకి మంచిది. గర్భస్థ శిశువు ఎదుగుదలకు బాగా ఉపకరిస్తుంది.
  10. జుట్టు ఒత్తుగా పెరగడంలో సహాయపడుతుంది. కంటి చూపును మెరుగుపరుస్తుంది.